Qyrǵyzstannyń Osh qalasyndaǵy bazarlardyń birinde saýdagerler qulpynai satýǵa kelgen sharýany sabap, taýaryn shashyp tastaǵan, dep habarlaidy ult.kz.
Oqiǵa 4 shildede Raiymbekov kóshesinde bolǵan.
Janjaldyń videosy jelide tarap, úlken rezonans týdyrdy. Qalalyq IIB atalǵan derek boiynsha «Buzaqylyq» babymen qylmystyq is qozǵady. Kúdikti retinde tórt adam (úsh áiel, bir er adam) ustaldy. Olardyń úsheýi ýaqytsha ustaý izoliatoryna qamalsa, bireýi otbasylyq jaǵdaiyna bailanysty úiqamaqqa alyndy.
Osh qalasynyń ákimi Janar Aqaev jábir kórgen diqanmen kezdesip, qoldaý bildirdi. Ákimniń tapsyrmasymen sharýaǵa jańa bazardan turaqty saýda orny bólindi.
