Qalalyq Jolaýshylar kóligi jáne avtomobil joldary basqarmasynyń basshysy Qýatjan Jumataevtyń aitýynsha, jarylystan zardap shekken halyqtardy tasymaldaýǵa 6 kólik kompaniiasy jumyldyrylǵan.
«Kólik kompaniialarynyń basshylary halyqty ózderi tasymaldap beremiz dep habarlasty. Sondai-aq, qaladaǵy janar-jaǵar mai beketteriniń qojaiyndary olarǵa tegin benzin, soliarka quiyp berip otyr. Qajet bolǵan jaǵdaida taǵy avtobýstardy shaqyrtatyn bolamyz. Eger búgin ár túrli sebeptermen bara almai qalǵandar bolsa, erteń de, keiin de kólik uiymdastyryp beremiz,- dedi Qýatjan Jumataev.
Aita keteiik, qalada bas-aiaǵy 56 evakýatsiia pýnktteriashylǵan bolatyn.
«Qaladaǵy evakýatsiialyq pýnktterde 30 myńnan astam adam tirkelgen. Biz olardyń jaǵdailaryna qaraimyz. Bireýler emhanalarda, aýrýhanalarda em qabyldap jatýy múmkin. Ol jerlerden shyqqan soń olardyń úilerine oralýyna qolǵabys etemiz. Qazir árbir beketterge jedel járdem qyzmeti de arnaiy shaqyrylyp, qajet bolǵan azamattarǵa alǵashqy meditsinalyq kómekter de kórsetilýde» deidi Shymkent qalalyq Ishki saiasat jáne din isteri basqarmasynyń basshysy Murat Bazarqulov.
