Arys qalasynyń ortalyǵy ál-Farabi alańynda qala kúni toilandy. Merekelik is-sharaǵa jergilikti bilik ókilderi, turǵyndar jáne arnaiy kelgen qonaqtar qatysty, dep habarlaidy "Ult aqparat".
Túrkistan oblysy ákiminiń baspasóz qyzmetinen málim etkendei, bul kúni jarylystan keiin qalany qaita qalpyna keltirýge úles qosqan azamattarǵa, eren eńbektiń úlgisin kórsetken dala eńbekkerlerine «Eńbek dańqy» tósbelgileri tabystaldy. Sondai-aq birqatar tulǵa alǵys hattarmen, Qurmet gramotalarymen jáne baǵaly syilyqtarmen marapattaldy.
Arys aspanyn ánge bólegen mereke odan ári kontserttik baǵdarlamaǵa ulasyp, óner ieleri jinalǵan qaýymǵa án men biden shashý shashty.
Sondai-aq Arys qalasynda dástúrge ainalǵan «Altyn kúz – 2019» jármeńkesi ótti.
«I-Arys» temirjol vokzaly aldyndaǵy alańshada sharýalardyń óndirgen ónimderi arzan baǵada halyqqa usynylyp, kórme uiymdastyryldy.
«Altyn kúz – 2019» jármeńkesine Aqdala, Baiyrqum, Jideli, Dermene, Montaitas, Qojatoǵai aýyldyq okrýgterinen kelgen sharýa qojalyqtary men jeke kásipkerler óz taýarlaryn naryqtaǵydan 20-30 paiyzǵa tómen baǵada usyndy.
