Sýret: primeminister.kz
Arystanbek Muhamediulyna shyǵarylǵan sot úkimi óz kúshinde qaldy. Ulttyq mýzeidiń burynǵy direktory jazasyn úkimge sai óteidi, dep habarlaidy QazAqparat agenttigi.
«Arystanbek Muhamediulynyń apelliatsiialyq shaǵymy qanaǵattandyrýsyz qaldyrylsyn. Qaýly zańdy kúshine endi. Muhamediulynyń kinási tolyq dáleldendi, ony qorǵaýshylardyń dálelderi rastalmady. Sottalýshyny aqtaýǵa negiz joq. Atalǵan is boiynsha aýditorlyq zertteý júrgizildi», - dedi sýdia Murat Soltybaev.
Onyń aitýynsha, A. Muhamediuly, A. Nurazhan, A. Kóshenov jáne A.Sádýaqasovanyń kinási tolyq dáleldengen.
«Sottalǵandar men olardyń qorǵaýshylarynyń apelliatsiialyq shaǵymda keltirgen dálelderi sot barysynda rastalmady. Sot barlyq dáleldemelerge tiisti baǵa berdi. Sottalǵandardy aqtaýǵa jáne isti qaita qaraýǵa negiz joq», - deidi ol.
Eske salaiyq, Ulttyq mýzeidiń burynǵy direktory Arystanbek Muhamediuly 2022 jyly 28 mamyrda qamaýǵa alynǵan edi. Oǵan «Altyn adamnyń álem mýzeilerine sherýi» halyqaralyq kórmesin ótkizý kezinde memlekettik satyp alý týraly shart aiasynda biýdjet qarajatyn jymqyrdy degen aiyp taǵyldy.
Biyl 20 maýsymda sot úkimimen Arystanbek Muhamediuly 8 jylǵa bas bostandyǵynan aiyryldy. Sonymen qatar elorda soty onyń sybailastaryna da úkim shyǵardy. Ulttyq mýzeidiń burynǵy basshysynyń 3 sybailasy da 7 jylǵa sottaldy.
Aita keteiik, sot barysynda Arystanbek Muhamediuly óz kinásin moiyndamady.
Sondai-aq 26 shildede Arystanbek Muhamediulynyń qorǵaýshysy isti qaita qaraý jóninde apelliatsiialyq shaǵym túsirdi.
12 qyrkúiekte elorda soty Arystanbek Muhamediulynyń qorǵaýshysynan túsken apelliatsiialyq shaǵymdy qaraýdy bastady.
Búgin tańerteń ótken sotta Muhamediulynyń advokaty jazany jeńildetýdi suraǵan edi.
