QR Mádeniet jáne sport ministri Arystanbek Muhamediuly tilek bildirgenderdiń bárin 2019 jyldy marafonmen qarsy alýǵa shaqyrdy, dep habarlaidy "Ult aqparat".
«QR Mádeniet jáne sport ministri Arystanbek Muhamediuly jańa jyldy qarsy alýda jańa ózgerister engizdi. Kez kelgen marafonǵa ózi qatysatyn ministr biyl da ujymǵa jańa jylda salaýatty ómir saltyn ustanýǵa, sportpen ainalysýǵa, 2019 jyldy sportpen bastaýǵa shaqyrdy», - dep habarlaidy ministrliktiń baspasóz qyzmetinen.
Qala ishinde kólikterdiń jumysyna kedergi keltirmes úshin júgirýdiń baǵyty ózgergen. Naqtyraq aitqanda, 31 jeltoqsan kúni saǵat 23.00-de ministr bastaǵan top Báiterek mańynan «Han Shatyr» OSO-ǵa deiin júgirip ótedi. Qatysýshylar birneshe shaqyrymdy «Sýly-jasyldy» býlvar arqyly eńseredi.
Arystanbek Muhamediuly bul sharaǵa qatysýǵa elimizge tanymal adamdardy shaqyryp otyr.
