Bul týraly QR Ekologiia, geologiia jáne tabiǵi resýrstar ministri Maǵzum Mirzagaliev brifingte málimdedi, – dep habarlaidy Baq.kz.
Vedomstvo basshysy Arys qalasynda júrgizilgen zerthanalyq zertteýler, radiatsiialyq fon, aýanyń, sýdyń jáne topyraqtyń synamalarynyń qorytyndysymen bólisti.
Arys ózeniniń jer ústi sýlaryna baqylaý aiyna bir ret Arys ózeni boiynda ornalasqan sý beketinde júrgiziledi. Biylǵy jylǵy 27 maýsymda Ekologiia departamentiniń mamandary Qazgidromet mamandarymen birge Arys ózeniniń sýy men topyraǵynan 100-den astam synama alyp, radiatsiialyq baqylaý júrgizgen. Synaq zerthanasy turaqty túrde aýaǵa, topyraqqa jáne sýǵa monitoring júrgizedi.
«Búgingi tańda Arys qalasynda radiatsiia joq, atmosferalyq aýa taza, sý jáne topyraq lastanbaǵan. Qazaqstan Respýblikasynyń ekologiia, geologiia jáne tabiǵi resýrstar Ministrligi Arys qalasyna ekologiialyq qaýipsizdigine kepildik beredi» dep atap ótti.
Aita ketý kerek, Túrkistan oblysy boiynsha ekologiia departamentiniń zerthanasy tolyǵymen zamanaýi qurylǵylarmen jabdyqtalyp jáne osy jyldyń kókteminde akkreditatsiiadan ótken.
