Arys qalasyn qalpyna keltirý jumystary 17 sektorǵa bólinip, oblys pen aýdandarǵa tapsyrylǵan bolatyn, dep habarlaidy "Ult aqparat" Túrkistan oblysy ákiminiń baspasóz qyzmetine silteme jasap.
Sonyń biri Atyraý oblysy men Jetisai aýdanyna qarasty №1-sektor. Qazirgi tańda atalǵan aýmaqta qurylys ári jóndeý jumystary aiaqtalýǵa jaqyn. Osyǵan orai, búgin Arys qalasyndaǵy qurylys jumystaryna belsene aralasqan qurylysshylar, eriktiler, sondai-aq, Atyraý oblysy men Jetisai aýdany ákimdiginiń qyzmetkerleri arnaiy alǵys hattarmen marapattaldy. Sektor aýmaǵynda turatyn arystyq jergilikti turǵyndarǵa arnalyp merekelik kontsert uiymdastyrylyp, dastarqan jaiyldy.
Aita keterligi, №1-sektor Kóktem shaǵyn aýdanynda ornalasqan. Aýmaqqa qarasty 571 úidiń 468-i jóndeýden ótken. Onyń ishinde 55 úi tolyqtai turǵyzylyp otyr. Budan bólek, 11 kásipkerlik nysan jóndelgen. Qurylysty barlyǵy 13 merdiger kompaniia júrgizdi. Jalpy qurylysqa 700-ge jýyq qurylysshy men 12 tehnika jumyldyrylǵan.
