ارىس قالاسىن قالپىنا كەلتٸرۋ جۇمىستارى 17 سەكتورعا بٶلٸنٸپ, وبلىس پەن اۋداندارعا تاپسىرىلعان بولاتىن, دەپ حابارلايدى "ۇلت اقپارات" تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
سونىڭ بٸرٸ اتىراۋ وبلىسى مەن جەتٸساي اۋدانىنا قاراستى №1-سەكتور. قازٸرگٸ تاڭدا اتالعان اۋماقتا قۇرىلىس ەرٸ جٶندەۋ جۇمىستارى اياقتالۋعا جاقىن. وسىعان وراي, بٷگٸن ارىس قالاسىنداعى قۇرىلىس جۇمىستارىنا بەلسەنە ارالاسقان قۇرىلىسشىلار, ەرٸكتٸلەر, سونداي-اق, اتىراۋ وبلىسى مەن جەتٸساي اۋدانى ەكٸمدٸگٸنٸڭ قىزمەتكەرلەرٸ ارنايى العىس حاتتارمەن ماراپاتتالدى. سەكتور اۋماعىندا تۇراتىن ارىستىق جەرگٸلٸكتٸ تۇرعىندارعا ارنالىپ مەرەكەلٸك كونتسەرت ۇيىمداستىرىلىپ, داستارقان جايىلدى.
ايتا كەتەرلٸگٸ, №1-سەكتور كٶكتەم شاعىن اۋدانىندا ورنالاسقان. اۋماققا قاراستى 571 ٷيدٸڭ 468-ٸ جٶندەۋدەن ٶتكەن. ونىڭ ٸشٸندە 55 ٷي تولىقتاي تۇرعىزىلىپ وتىر. بۇدان بٶلەك, 11 كەسٸپكەرلٸك نىسان جٶندەلگەن. قۇرىلىستى بارلىعى 13 مەردٸگەر كومپانييا جٷرگٸزدٸ. جالپى قۇرىلىسقا 700-گە جۋىق قۇرىلىسشى مەن 12 تەحنيكا جۇمىلدىرىلعان.
