QR Premer-Ministri Asqar Mamin Arys qalasyna kelip, halyqtyń turmys tirshiligimen tanysty. Oryn alǵan tótenshe jaǵdaiǵa bailanysty jiyn ótkizip, qalany qalpyna keltirý máselelerin talqylady, dep habarlaidy "Ult aqparat".
Jiynda Úkimet basshysy Arystaǵy árbir otbasy múshesine, iaǵni 44 781 turǵynǵa 100 myń teńgeden beriletinin aitty. Úkimetten bólinetin qarajat bir aidyń ishinde turǵyndardyń qolyna tiedi. Al, áskeri qarý-jaraq qoimasyn kóshirý 2 apta ishinde bastalady.
Asqar Mamin sondai-aq, Arystyq kásipkerlerge 1 paiyzben 5 million teńgege deiin jeńildetilgen nesie beriletinin jetkizdi.
Budan bólek, temirjolshylar qalasy aldaǵy eki jyldyń ishinde tolyq gazdandyrylady. Jańadan bir aýrýhana salynatyn boldy. Qaladaǵy 4 myńnan astam bala ózge óńirlerge jazǵy demalysqa barady.
Qiraǵan ǵimarattar bir aidyń kóleminde qalpyna keltirilip, jarylǵysh zattar eki aptanyń ishinde qaýipsiz aimaqqa kóshiriledi.
