Túrkistan oblysy, Arys qalasynda bir otbasynyń bes múshesi koronavirýs juqtyrǵany anyqtaldy, dep habarlaidy "Ult aqparat".
Oblystyq ákimdiktiń málimtinshe, barlyq naýqastardyń jaǵdaiy qanaǵattanarlyq. Virýs juqtyrǵandar oqshaýlanyp, tiisti em qabyldaýda.
«Arys qalasynda turatyn 1965 jyly týǵan azamatsha men 1987 j., 1989 j., 1998 j., 2004 j., 2010 j. týǵan bir otbasynyń músheleri qaýipti indet juqtyrǵan. Koronavirýs juqtyrǵan taǵy bir naýqas Báidibek aýdany, Bógen aýyldyq okrýgi, Myńbulaq aýylynyń 1987 j.turǵyny. Ol COVID-19 virýsyn juqtyrǵan azamatpen jaqyn bailanysta bolǵan» delingen oblys ákimdiginiń habarlamasynda.
Aita keteiik, óńirde qaýipti indet juqtyrǵan adamdardyń sany 43-ke jetti. Jetisai aýdanynda – 14, Kentaýda - 5, Ordabasy - 2, Sairam - 2, Maqtaral - 4, Arys - 14, Saryaǵash - 1, Báidibek -1 turǵyny indetke shaldyqqan. Onyń ishinde 1956 j týǵan azamat 4-shi sáýir kúni qaitys bolǵan.
