Qazaqstandyqtan Arystaǵy apattan zardap shekken turǵyndarǵa kómek qolyn sozýda, dep habarlaidy QazAqparat.
QR Ulttyq qaýipsizdik komitetiniń jeke quramy Arystaǵy apattan zardap shekken turǵyndarǵa bir kúndik eńbekaqysyn aýdardy.
Qarajat Túrkistan oblysy ákimdiginiń janyndaǵy «Túrkistan» korporativtik áleýmettik qorynyń esebine joldanǵan. Dál osyndai kómekti QR Sybailas jemqorlyqqa qarsy is-qimyl agenttigi de kórsetip otyr. Naqtyraq aitsaq, agenttik 10 mln 334 myń teńgeni «Túrkistan» áleýmettik damý korporativtik qoryna qarajat jiberdi.
Saýaby mol ortaq isten QR Energetika ministrligi de shet qalmady. Ministrliktiń ortalyq apparaty men aýmaqtyq departament qyzmetkerleri bir kúndik jalaqysyn Arys qalasynyń turǵyndaryna kómek kórsetý qoryna joldaǵan.
Sondai-aq, atalmy ministrlik ujymy eldegi munai-gaz, energetika salasyndaǵy kásiporyndar men kompaniialardy qiyn qystaýǵa tap bolǵan Arystyqtarǵa kómektesýge shaqyrǵan málimdeme de jasady.
