Arys aýdandyq ishki ister bólimine jergilikti turǵyndardyń biri kelip, bank kártishkesindegi qomaqty somasynyń jymqyrylǵandyǵy jaily aryzdanady.
Atalǵan jait Arys aýdandyq ishki ister bóliminiń sotqa deiingi tergeý bóliminiń tizilimine QR Qylmystyq kodeksiniń 190-baby «Alaiaqtyq» boiynsha tirkeýge alynyp, qylmystyq is qozǵaldy.
Politseiler atalǵan iske kúdiktini quryqtaý úshin qajetti degen sharalardyń barlyǵyn derlik atqardy. Osylaisha jedel júrgizilgen jumystardyń nátijesinde kúdiktiniń kim ekeni anyqtaldy.
Tártip saqshylar kúdiktini turǵylyqty mekenjaiynda quryqtady.
Anyqtalǵandai, kúdikti áieldiń tólenbegen nesiesi bolǵandyqtan, bank kártishkesindegi aqshasyn paidalana almaǵan. Sondyqtan aqshany tabýdyń ońai jolyn izdep, aram oi týyndap, ony iske asyrý úshin kórshi áieldi paidalanǵan. Iaǵni jábirlenýshi kórshi áielge baryp, bank kártishkesine tanysyna aityp aqsha saldyryp, sosyn shyǵaryp alamyn dep ótingen. Osylaisha jalǵan syltaýmen jábirlenýshiniń qupiia kodyn, derekterin bilip alyp, 3 bankten 300 myńnan astam teńgege onlain-nesie rásimdegen. Sondai-aq, jábirlenýshi áieldiń shotyna kelip turǵan júktilik kezinde beriletin bir rettik járdemaqysy, iaǵni 400-myńnan astam aqshasyn uialy telefon arqyly basqaryp, óz paidasyna jaratqan. Jalpy kúdikti áiel óziniń kórshisine 700 myńnan astam teńgege shyǵyn keltirgen.
Búgingi tańda Arys aýdandyq politsiia bólimine kúdiktige qatysty tergep-tekserý amaldary júrgizilýde. Kúdikti áiel eshqaida ketpeý týraly jáne tiisti minez-qulyq týraly qolhat berdi. Al, politseilerdiń aitýynsha, atalǵan iske qatysty tergeý amaldary tolyq aiaqtalǵannan soń, is sotqa joldanbaq.
Óz kezeginde oblys politseileri tulǵalarǵa artyq senim bildirip qupiia derekterdi, tólqujat nómirlerin aitýǵa bolmaityndyǵyn eskertedi. Alaiaqtardyń qurbanyna ainalsańyz nemese kýási bolsańyz mindetti túrde politsiianyń jedel jelisi 102-ge habar berińiz. Bul óz kezeginde politseilerdiń qylmysty izin sýytpai ashýǵa kómegin tigizedi.
