Kesheden beri (26 maýsym) temirjoldar oq-dáriden tazartylyp, jóndelip, bailanys jelisine kerneý berilgen soń basty joldarda qozǵalys qalpyna keltirildi, dep habarlaidy Qazaqstan temir jolynyń baspasóz qyzmeti.
Atap aitqanda, Arys-Taldyqudyq - jup jol boiynsha, Shaǵyr-Taldyqudyq - taq jol boiynsha, Qalash-Arys-2 - jup jáne taq jol boiynsha, Aqdala-Arys-2 - jup jol boiynsha qozǵalys ashyldy. Alǵashqy №369 «Novosibirsk-Tashkent» jolaýshylar poiyzy 26 maýsymda Shymkent stantsiiasynan 22 saǵat 30 minýtta jóneltildi. Arys stantsiiasy tek basty joldarmen júrý úshin ashyq.
Suryptaý jáne qabyldap-jóneltý joldary qozǵalys úshin áli jabyq. 26 maýsymnan 27 maýsymǵa qaraǵan túni Arys stantsiiasy boiynsha 23 poiyz ótkizildi, onyń ishinde 7 jolaýshy, 8 konteinerlik, 8 júk poiyzy.
Qazirgi ýaqytta kestege poiyzdardy engizý boiynsha barlyq qajetti sharalar qabyldanýda.
