Bala quqyqtary jónindegi ýákil Arýjan Sain «Janýarlar – meniń dostarym!» sýret konkýrsynyń jeńimpazdary men qatysýshylaryn quttyqtady.
Bala quqyqtary jónindegi ýákil konkýrstyń aiaqtalýyna orai onyń jeńimpazdary men qatysýshylaryn óziniń Facebook -taǵy paraqshasy arqyly quttyqtady.
«Qurmetti balalar! Adamzattyń jalpy sany 7,7 mlrd-tan asty. Ár 10 sekýnd saiyn dúniege 26 sábi keledi. Ár bala - jańa tulǵa, biregei, erekshe daryndy! Al bizdiń, iaǵni, eresekterdiń mindeti – senderdiń qajettilikterińdi qamtamasyz etý, ár baladan jaqsy adam tárbieleý, árkimge óz talantyn, eń jaqsy qasietterin tanytýǵa kómektesý. Kez-kelgen adamnyń eń basty qasieti - gýmanizm, meiirimdilik, basqalarǵa qurmet bildirýdi, ómirdi jer betindegi eń basty bailyq retinde baǵalai bilý. Men tek adamdardy ǵana emes, ár tirshilik iesin, janýarlardyń, ósimdikterdiń ómirin aityp turmyn. Bul óte mańyzdy, óitkeni biz jalpy planetamyzdy, Jer betindegi búkil tirshiliktiń alýan túrin saqtap qalýymyz kerek.
Balalar, senderge keide bala eshteńe jasai almaidy, balaǵa eshteńe bailanysty emes degen oi keledi. Dese de álemdi jaqsy jaqqa ózgertý bárimizdiń qolymyzda ekenin umytpaǵandaryń abzal. Qansha jasta ekenderiń mańyzdy emes, eń mańyzdysy - álemdi jaqsy jaqqa ózgerte alamyn degen aq nietteriń. Senderdiń ideialaryń, pikirleriń, áreketteriń kóp nárseni ózgerte alady.
Sondyqtan, baiqaýǵa óz jumystaryn jibergen ár balaǵa kóp rahmet aitqym keledi. Árqaisyńnyń óz ereksheligiń bar, baiqaýǵa kelgen árbir jumys erekshe ári qundy.
Búgin, kim marapattalatynyna qaramastan, eń bastysy - sender óz sýretteriń men esseleriń arqyly janýarlardy qorǵaýǵa óz úlesterińdi qostyńdar, Senderdiń pikirlerińdi eleýsiz qaldyrmaimyn dep ýáde beremin.
Keibir balalardyń jumysy búkil Qazaqstan boiynsha bilbordtarda ilinedi. Degenmen árqaisylaryń qyrkúiek aiynda bastalatyn «Meniń jasyl planetam» atty kelesi baiqaýǵa qatysyp, ekologiialyq máseleler jaily, jerdegi ómirdi saqtaýdyń mańyzy týraly sóz qozǵai alasyńdar.
Bizdi qoldaǵan barlyq seriktesterge alǵys aitamyn.
Konkýrs Bala quqyqtary jónindegi ýákil Arýjan Sainnyń bastamasymen, Qazaqstan Prezidenti Qasym-Jomart Toqaevtyń qamqorlyǵymen, Qazaqstan Respýblikasynyń BUU qorshaǵan ortany qorǵaý baǵdarlamasynyń Dúniejúzilik qorshaǵan ortany qorǵaý kúni aiasynda ótkizildi.
Qazaqstan Respýblikasy Parlamenti Senatynyń spikeri Máýlen Saǵathanuly Áshimbaev balalarǵa óz quttyqtaý sózderin joldap, olardyń qozǵaǵan barlyq máselesin sheshýge úles qosatynyn jetkizdi!
Senat basshysy men Ishki Ister ministrligi, Bilim jáne ǵylym ministrligi, Mádeniet jáne sport ministrliginiń, BUU, «Balalar álemdi beineleidi» Qoǵamdyq Qory basshylarynyń bizben birge bolǵany óte mańyzdy, sebebi balalardyń Parlament pen Úkimetke tujyrymdaǵan mindetterin janýarlar men tabiǵatty qorǵaýshy belsendi balalar jetkizbekshi. TÝNZA uiymynyń UNEP balalar baǵytyndaǵy Qazaqstandaǵy ekologiialyq býynynyń elshisi, jáne eko-zoo aktivist balalary Diana Gamazova, Valeriia Altybaeva, Mýhammeddýlat Oljabai, Jámila Dúisenova marapattaý efirinde sóz sóiledi»,-dedi Arýjan Sain.
Onyń sózinshe, konkýrs Qazaqstan Prezidentiniń qamqorlyǵymen, BUU qorshaǵan ortany qorǵaý baǵdarlamasynyń Dúniejúzilik qorshaǵan ortany qorǵaý kúni aiasynda, Bilim jáne ǵylym ministrligi, Mádeniet jáne sport ministrliginiń qoldaýymen, «Balalar álemdi beineleidi» Qoǵamdyq Qory, bas seriktes «Edu Stream» kompaniiasynyń jáne «Tehnodom» men «Nastoiashii Býratino» seriktesteriniń qatysýymen ótti.
Balalar sýretiniń «Janýarlar – meniń dostarym!» respýblikalyq konkýrsynyń jeńimpazdary syilyqtaryn ielendi. Qatysýshylar eńbegi Bas júlde jáne tórt jas toby – 6-8, 9-11, 12-14, 15-17 jas boiynsha ár topta úsh orynnan jeńgender anyqtaldy. Konkýrstyń bas demeýshisi «Edu Stream» kompaniiasynan Avstriiaǵa sapar sertifikatyn bas júlde iegeri sondai-aq tórt jas tobynyń 1 oryn iegerleri de qanjyǵasyna bailady. Barlyq jeńimpaz «Tehnodom», «Nastoiashii Býratino» kompaniialarynan smartfon, samokat jáne basqa qundy syilyqtaryna ie boldy. Ishki Ister Ministrligi konkýrsqa qatysqan Jasmin Nazar, Ahmed Adelia, Ryzaeva Fatimaǵa arnaiy syilyq – planshet tabys etti. Sonymen qatar qysqa beine túsiretin «LIKEE» ǵalamdyq platformasynan esse jazǵan balalarǵa arnalǵan syilyqtary óz iesin tapty.
6-8 jas toby boiynsha jeńimpazdar:
1 oryn: Zonova Polina, 8 jas, Óskemen qalasy (Shyǵys Qazaqstan oblysy)
2 oryn: Taranova Anastasiia, 6 jas, Ekibastuz qalasy (Pavlodar oblysy)
3 oryn: Nurǵaliev Aiádil, 7 jas, Aqtóbe qalasy (Aqtóbe oblysy)
9-11 jas tobyndaǵy jeńimpazdar:
1 oryn: Jangeldi Eldos, 10 jas, Aqqudyq aýyly, Aiynshy aýdany (Soltústik Qazaqstan oblysy)
2 oryn: Poliakova Viktoriia, 10 jas, Óskemen qalasy (Shyǵys Qazaqstan oblysy)
3 oryn: Marikov Andrei, 9 jas, Rýdnyi qalasy (Qostanai oblysy)
12-14 jas tobyndaǵy jeńimpazdar:
1 oryn: Kýrak Dana, 14 jas, Oral qalasy (Batys Qazaqstan oblysy)
2 oryn: Álimbekova Marhaba, 13 jas, Abai aýdany (Qaraǵandy oblysy)
3 oryn: Son Sofiia, 13 jas, Almaty qalasy
15-17 jas tobyndaǵy jeńimpazdar:
1 oryn: Baibosynova Alina, 15 jas, Nur-Sultan qalasy
2 oryn: Karchiev Jasýrbek, 17 jas, Túrkistan q. (Túrkistan oblysy)
3 oryn: Gerasimov Daniil, 14 jas, Smirnovo aýyly, Aqqaiyń aýdany (Soltústik Qazaqstan oblysy)
Bas júlde - Ivanichenko Mariia, 15 jas , Almaty qalasy.
Saltanatty quttyqtaý sharasy konkýrstyń Bas demeýshisi «Edu Stream» kompaniiasynyń EduStream KZ atty Youtube arnasynda onlain ótti.
