«Artem» jáne «Big Shanhai» bazarlarynda sanitarlyq-epidemiologiialyq normalar buzylǵan, dep habarlaidy "Ult aqparat" elorda ákimdiginiń resmi saityna silteme jasap.
Saittaǵy málimetterge qaraǵanda, Nur-Sultanda karantin sharalary birtindep alynǵannan keiin, iri saýda jáne oiyn-saýyq ortalyqtary, fitnes-ortalyqtar, sulýlyq salondary jáne basqa da shaǵyn jáne orta biznes nysandary qyzmetin qaita bastady.
Apta ishinde ákimdik, taýarlar men qyzmetterdiń sapasy men qaýipsizdigin baqylaý departamenti ókilderinen quralǵan elordalyq monitoring toby kásipkerlerdiń sanitarlyq-epidemiologiialyq talaptardy saqtaýy boiynsha reidter ótkizdi.
Senbi kúni politsiia qyzmetkerlerinen jáne Baiqońyr aýdanynyń taýarlar men qyzmetterdiń sapasy men qaýipsizdigin baqylaý basqarmasy ókilderinen turatyn mobildi top bazarlarda sanitarlyq-epidemiologiialyq talaptardyń saqtalýyn qadaǵalady.
Monitoring barysynda «Artem» jáne «Big Shanhai» bazarlarynda áleýmettik qashyqtyq pen maska taǵý tártibin buzý jaǵdailary anyqtaldy. Sondai-aq barlyq bólimder men býtikterde sanitaizerler men termometriia ornatylmaǵan. Keibir býtikterde áleýmettik qashyqtyq saqtaýǵa múmkindik jasalmaǵan.
Anyqtalǵan ereje buzýshylyqtar úshin Qazaqstan Respýblikasynyń halyqtyń sanitarlyq-epidemiologiialyq salaýattylyǵy salasyndaǵy zańnamanyń 425 babynyń 1-tarmaǵy boiynsha ákimshilik jaza qoldanylady.
Jalpy alǵanda, 5 shildeden bastap QR ÁQBtK 425-baby boiynsha 863 ereje buzý jaǵdailary anyqtaldy. Onyń 236-syn jeke tulǵalar, 627-in kásipkerlik sýbektileri jasaǵan. Barlyq jinalǵan materialdar boiynsha Nur-Sultan qalasynyń taýarlar men qyzmetterdiń sapasy men qaýipsizdigin baqylaý departamenti tiisti sheshim shyǵarady.
Qoǵamdyq oryndarda adamdar qashyqtyq saqtap, maska taǵyp, sanitaizer qoldanýy kerek.
