Foto: Tengrinews.kz
Premer-ministr orynbasary – qarjy ministri Erulan Jamaýbaev "ArselorMittal Temirtaý" AQ-nyń menshik iesi ózgerýi múmkin ekenin joqqa shyǵarmady, dep habarlaidy Sputnik Qazaqstan.
Jýyrda áleýmettik jelide "ArselorMittal Temirtaýdyń" reseilik "Severstal" kompaniiasyna satylýy múmkin ekeni týraly aqparat tarady.
Úkimet kýlýarynda jýrnalister Jamaýbaevtan osy aqparattyń ras-ótirigin surady.
"Bul máselemen tikelei Roman Skliar (birinshi vitse-premer) ainalysyp jatyr. Mundai kásiporynmen belgili bir tulǵalar toby ainalysýǵa tiis. Mańyzdy kelissóz protsesi bolýy kerek. Sol sebepti eger árkim óz deńgeiinde túsinikteme bere berse, bul durys bolmaidy. Onyń ústine bul kelissózderge áser etýi múmkin. Málimdeme jasaldy. Meniń oiymsha, saiasi sheshim bar. Sondyqtan jumys isteimiz", - dep jaýap berdi Jamaýbaev.
Onyń aitýynsha, qajet bolsa Roman Skliar menshik iesiniń aýysýyna qatysty ózi túsinikteme beredi.
Jamaýbaev Qazaqstan úshin investordyń tólem tóleýge qabiletti bolýy jáne óndiristi jańǵyrtýǵa aqsha quiýy mańyzdy ekenin atap ótti.
