Illiýstratsiialyq foto:elements.envato.com
"ArselorMittal Temirtaý" tsehyndaǵy tórt jumysshynyń ólimine qatysty jumystardy qaýipsiz júrgizýge jaýapty eki basshy qamaýǵa alyndy, - dep habarlaidy Tengrinews.kz Qaraǵandy oblysynyń Politsiia departamenti baspasóz qyzmetine silteme jasap.
"Tergeý úshin arnaiy komissiia quryldy, ol da óndiristegi ólim deregimen ainalysady. Qylmystyq isti tergeý barysynda kásiporyn qyzmetkerlerinen, onyń ishinde óndiristegi qaýipsizdikke jaýapty tulǵalardan jaýap alyndy.
Qylmystyq Kodekstiń 277-babynda ("Taý-ken nemese qurylys jumystaryn júrgizý kezinde qaýipsizdik qaǵidalaryn buzý") kózdelgen qylmysty jasady degen kúdikpen jinalǵan materialdardy eskere otyryp, jumystardy qaýipsiz júrgizýge jaýapty eki basshy ustaldy", - dedi PD ókilderi.
19 maýsymda Temirtaý qalasynyń tergeý soty osy tulǵalarǵa qatysty qamaýǵa alý túrindegi bultartpaý sharasyna sanktsiia bergen. Bap sanktsiiasynda 3 jyldan 8 jylǵa deiin bas bostandyǵynan aiyrý jazasy qarastyrylǵan.
