«ArselorMittal Temirtaýdyń» 2-inshi Jylý elektr ortalyǵynda boiaý quiylǵan bóshke jaryldy. Oqiǵa saldarynan eki adam zardap shekti, dep habarlaidy "Ult aqparat".
11 naýryzda JEO-2-niń mehanikalyq tsehynda dánekerleý jumystary kezinde jaqyn mańda turǵan boiaýy bar bóshke jaryldy. Eki adam zardap shekti.
«Zardap shekken 1971 jyly týǵan adam saǵat 10:05-te aýrýhanaǵa jetkizildi. Diagnozy - óndiristik jaraqat, keýdeni, oń jaq bilekti, qoldy, oń jaq jambasty, eki jilinshikti 25% termiialyq kúiik shalý. Kúiik saldarynan jeńil shok. Ol - Maqajanov atyndaǵy kópsalaly aýrýhanada. 1970 jyly týǵan naýqas boiaý bóshkesiniń janýy saldarynan qyzmettik jaraqat aldy. Óndiristik jaraqat, bastyń, keýdeniń, bettiń, eki aiaq-qoldyń, syrtqy jynys joldarynyń, bókseleriniń 3 A, B dárejeli 95% termiialyq kúiik shalý diagnozy qoiyldy. Kúiikten qatty shok alǵan. Joǵarǵy tynys joldarynyń termoingaliatsiialyq jaraqaty, janý ónimderimen ýlaný. Temirtaý ortalyq aýrýhanasynda jatyr», - dep habarlady Qaraǵandy oblysy Densaýlyq saqtaý basqarmasynyń baspasóz qyzmetinen.
