Qaraǵandy oblysynyń politsiia departamenti «ArselorMittal Temirtaý» AQ tsehtarynyń birinde 4 adamnyń qaza bolý faktisi boiynsha qylmystyq is qozǵady, dep habarlaidy QazAqparat.
«Atalǵan fakti boiynsha QK 277-baby 3-bóligi (Eki nemese odan da kóp adamnyń abaisyzda ólimine ákep soqqan taý-ken nemese qurylys jumystaryn júrgizý qaýipsizdigi erejelerin buzý) boiynsha qylmystyq is tirkeldi. Oqiǵa ornynda Temirtaý qalasynyń politsiia departamenti men politsiia basqarmasynyń jedel-tergeý toptary jumys isteýde. Jaǵdai anyqtalýda», - dep habarlady Qaraǵandy oblysy PD baspasóz qyzmeti.
Qazirgi ýaqytta oqiǵa ornynda Qaraǵandy oblysy TJD qutqarýshylary (27 adam jáne 7 birlik tehnika) jáne «Seriktes Órt Sóndirýshi» JShS qyzmetkerleri (10 adam jáne 2 birlik tehnika) úiindilerdi arshyp jatyr.
Oqiǵa ornynda Qaraǵandy oblysynyń ákimi Jeńis Qasymbek, TJD jáne ónerkásiptik qaýipsizdik basshylary bar.
«QR qoldanystaǵy eńbek zańy aiasynda arnaiy tergeý júrgizilýde. Mán-jailar men sebepter anyqtalyp, habarlanatyn bolady», - dep túsindirdi Qaraǵandy oblysynyń eńbek inspektsiiasy basqarmasynyń bólim basshysy Sahibjamal Safarova.
Eńbek kodeksiniń talaptaryna sáikes eńbek jónindegi ýákiletti organnyń ókimimen komissiia qurylady jáne jazataiym oqiǵaǵa arnaiy tekserý júrgiziledi. Nátijeler týraly qosymsha habarlanatyn bolady.
Esterińizge sala keteiik, 2022 jyldyń 10 maýsymynda «Qurylysmet»« JShS aýmaǵynda «ArselorMittal Temirtaý» AQ qyzmetkerleri qaiǵyly oqiǵaǵa ushyraǵan bolatyn.
Otqa tózimdi qalaýdy bólshekteý kezinde usta-press tsehynyń №9 jumys istemeitin termiialyq peshinde shatyr qulady. Sonyń saldarynan (kólemi 5h5h10 m) úiindilerdiń astynda 5 adam qalyp qoidy.
Olardyń tórteýi qaitys boldy, bireýi - 1994 jyly týǵan jumysker aýrýhanaǵa jetkizildi.
