Temirtaýdaǵy «ArselorMittal Temirtaý» kompaniiasyna tiesili jylý elektr ortalyǵynda montajdaýshy qaza tapty, dep habarlaidy QazAqparat.
«Búgin, 16 maýsym kúni JEO-2 №7 qazandyǵynda montajdaý jumystaryn júrgizý kezinde kútpegen jaǵdai boldy. 1986 jyly týǵan «AB Construction» JShS qyzmetkeri biikten qulap, jaraqat saldarynan kóz jumdy», - dep habarlady Qaraǵandy oblysy ákiminiń baspasóz qyzmeti.
Qazirgi ýaqytta is tergelip jatyr.
«AB Construction» kompaniiasynyń basshylyǵy marqumnyń týystary men jaqyndaryna qaiǵyryp kóńil aitady.
JEO-2 - «ArselorMittal Temirtaý» kompaniiasynyń iri óndirýshi kásiporny sanalady. Stantsiia óndirgen elektr energiiasy kompaniia kásiporyndarynyń elektr júktemelerin jabýǵa jumsalady. Artyq elektr energiiasy Qazaqstan Respýblikasynyń elektr energiiasy naryǵynda satylady. Ol - Temirtaý energiia torabyndaǵy úsh elektr stantsiiasynyń biri.
