«ArselorMittal Temirtaý» AQ basshylyǵy qaza tapqan qyzmetkerlerdiń otbasylaryna kómek kórsetiletinin málimdedi, dep habarlaidy QazAqparat.
«Búgin, 10 maýsym «Qurylysmet» JShS masterpress tsehynda jazataiym oqiǵa bolyp, saldarynan «ArselorMittal Temirtaý» AQ tórt qyzmetkeri qaza tapty. Besinshi qyzmetker Temirtaý qalasynyń ortalyq qalalyq aýrýhanasyna jatqyzyldy, jaǵdaiy birqalypty. Arnaiy komissiia quryldy, is tergelip jatyr. Ujymdyq sharttyń talaptaryna sáikes marqumdardyń otbasylaryna búkil qajetti kómek kórsetiledi» delingen kompaniianyń resmi saitynda.
Esterińizge sala keteiik, búgin «Qurylysmet»« JShS aýmaǵynda «ArselorMittal Temirtaý» AQ qyzmetkerleri qaiǵyly jaǵdaiǵa ushyraǵan bolatyn.
Otqa tózimdi qurylysty bólshekteý kezinde tsehtyń jumys istemeitin №9 termiialyq peshiniń tóbesi qulady. Úiindi astynda bes adam qalyp qoidy.
Onyń tórteýi qaitys boldy, 1994 jyly týǵan taǵy bir jumysker aýrýhanaǵa jetkizildi.
Atalǵan fakti boiynsha Qylmystyq kodekstiń 277-baby 3-bóligi boiynsha qylmystyq is qozǵaldy.
