QR Ulttyq qaýipsizdik komiteti Aqmola oblysynda Reseiden atys qarýy men oq-dárilerdi jetkizýdi uiymdastyrýǵa qatysy bar etnikalyq qylmystyq toptyń jolyn kesti. Bul týraly "Ult aqparat" UQK silteme jasap habarlaidy.
2020 jylǵy 27 aqpanda QR UQK «A» arnaiy maqsattaǵy qyzmeti men Politsiia departamentiniń «Arlan» arnaiy bólimshesiniń kúshteri men quraldaryn tarta otyryp, operatsiia júrgizý barysynda transulttyq qylmystyq topqa qatysýshylar ustaldy.
Kópkezeńdi jedel zertteý barysynda ulttyq qaýipsizdik organdary qarý kontrabandasyn uiymdastyrýshylardan barlyǵy 11 «Makarov» pistoletin jáne olarǵa 1300-den asa patron aldy.
Sotqa deiingi tergep-tekserý júrgizilýde. Ustalǵandar 15 jylǵa deiin bas bostandyǵynan aiyrylýy múmkin.
