Eki aptadan astam ýaqyt boiy qazaqstandyq arnaiy maqsattaǵy áskeri-meditsinalyq jasaq Livanda boldy. Áskeri dárigerler Beirýt, Boýar, Saida, Mashgara qalalaryndaǵy jergilikti turǵyndarǵa kómek kórsetip, elimizge aman-esen oraldy, dep habarlaidy "Ult aqparat" QR Qorǵanys ministrliginiń baspasóz qyzmetine silteme jasap.
Nur-Sultan qalasynyń áýejaiynda áskeri dárigerlermen saltanatty kezdesý ótti. Atalmysh kezdesýde ministrdiń orynbasary general-maior Rýslan Shpekbaev quttyqtaý sóz sóiledi.
«Osy ýaqyt ishinde bizdiń meditsina qyzmetkerleri qoiylǵan mindetterdi laiyqty oryndap, sheteldik áriptesteriniń tarapynan oń baǵalandy. Sizderdi qoiylǵan mindetterdiń oryndalýymen shyn júrekten quttyqtaimyn.
Barshańyzǵa myqty densaýlyq, otbasylaryńyzǵa amandyq, qyzmette tabys tileimin», - dep lebizin bildirdi qorǵanys vedomstvosy basshysynyń orynbasary.
Livanda qazaqstandyq dárigerler hirýrgiialyq, travmatologiialyq jáne terapevtik naýqastardy emdeýge jumyldyryldy. Kún saiyn dárigerlik- meiirbikelik brigadalar tekserýler men konsýltatsiialar, qajetti dári-dármekpen emdeý is-sharasyn júrgizdi. Áskeri dárigerler ár túrli jastaǵy naýqastardy emdedi. Onyń ishinde kishkentai balalar men eresekter dárigerlerdiń kómegine júgindi. Eń qart naýqastardyń biri sol jaq jambas súiegi synǵan 90 jastaǵy er adam boldy. Qariiaǵa eki jaq mamandarynyń kúshimen ota sátti júrgizildi. Áskeri dárigerler barlyǵy 635 naýqasty qabyldap, 73 emdelýshige ota jasaldy. Sonymen qatar, Beirýt áskeri gospitaline Qazaqstan tarapynan dári-dármek jáne meditsinalyq múlik túrinde gýmanitarlyq júk tapsyryldy.
«Livandyqtar bizge óte riza boldy. Biz ushyp bara jatqanda olar Qazaqstan Respýblikasyna, Prezidentimizge úlken alǵys bildirdi. Jergilikti turǵyndar da jyly qabyldady. Áskeri gospital men mýnitsipaldyq aýrýhanalarda jumys isteý barysynda biz úlken tájiribe jinadyq»,- dedi QR QM Bas áskeri klinikalyq gospitali bastyǵynyń ǵylymi-hirýrgiialyq jumys jónindegi orynbasary, jetekshi hirýrg, meditsina qyzmetiniń polkovnigi Asqar Marýfov.
Sonymen qatar, jumys barysynda qazaqstandyq áskeri dárigerler livandyq áriptesterimen ózara is-qimyl jasap, birlesken emdik is-sharalar júrgizip, qundy tájiribe almasty.
Áskeri dárigerler elimizge attanar tusta Livan Qarýly Kúshteri Bas áskeri-meditsinalyq basqarmasynyń bastyǵy general Djordj Iýssef jáne áskeri gospital bastyǵy general Abýdahir Nasimmen kezdesý ótti. Kezdesýge qatysýshylar tájiribe almasý men eki elde áskeri meditsinany damytý boiynsha odan ári yntymaqtastyq máselelerin talqylady. Sondai-aq Livan tarapy kórsetken kómegi úshin bizdiń dárigerlerimizge zor alǵysyn bildirdi.
Aita ketý kerek, áskeri dárigerler QR Prezidenti – QR QK Joǵarǵy Bas qolbasshysy qoiǵan mindetti laiyqty oryndady.
