Qorǵanys ministrligi tsifrlandyrý salasynda 2011-2021 jyldar aralyǵyndaǵy kezeńde júrgizgen jumys belgili bir nátijelerge qol jetkizdi. Atap aitqanda memlekettik qyzmetter elektrondyq formatqa aýystyryldy. Osy oraida Qazaqstan Respýblikasy Qorǵanys ministrligi memlekettik qyzmetterdi kórsetý sapasyn baqylaý basqarmasynyń bólim bastyǵy, polkovnik Raýshan Beiimbet armiiada qandai memlekettik qyzmetter kórsetiletini týraly aityp berdi, – dep habarlaidy «Ult aqparat».
Polkovniktiń aitýynsha, qazirgi ýaqytta memlekettik qyzmetter boiynsha Qorǵanys ministrligi on jeti memlekettik qyzmet kórsetedi.
«Atap aitqanda, onyń ishinde jeńildigi bar adamdarǵa, Ekinshi dúniejúzilik soǵysynyń qatysýshylaryna, Chernobyl saldaryn joiýǵa qatysýshylarǵa, internatsional jaýyngerlerge anyqtamalar berý, áskeri qyzmeti ótkergen rastaý týraly anyqtamalar berý, áskerge shaqyrýdan ýchaskelerine tirkeý týraly áskerge shaqyrýshy olarǵa klassikter berý, zapastaǵy ofitserlerge, serjanttarǵa, sarbazdarǵa áskeri bilet berý, Ekinshi dúniejúzilik soǵys qatysýshylaryna kýálikter berý, azamattardy áskeri texnikalyq jáne basqa da áskeri mamandyqtar boiynsha daiarlaý, turaqty turýǵa, Qazaqstan Respýblikasynyń tysqary shyǵatyn azamattarǵa anyqtamalar berý, áskeri mindettemeler men áskeri shaqyrýshy olardy áskeri esepke qoiý jáne odan shyǵarý, Qazaqstan Respýblikasy qarýly kúshteriniń qyzmeti turǵyn úige muqtaj áskeri qyzmetshilerin esepke qoiý, áskerge shaqyrýdan keiinge qaldyrý, azamattardy áskeri qyzmetke shaqyrýdan bosatý, jeke jáne zańdy tulǵa Qorǵanys ministrliginiń qyzmet túrlerin ala alady», – deidi Qorǵanys ministrligi memlekettik qyzmetterdi kórsetý sapasyn baqylaý basqarmasynyń bólim bastyǵy, polkovnik Raýshan Beiimbet.
Onyń aitýynsha, atalǵan qyzmet túrlerin elektrondy úkimet portaly jáne xalyqqa qyzmet kórsetý ortalyqtary arqyly ala alady. Sonymen qatar elektrondy úkimet portaly mobildi qosymshasy arqyly da qoljetimdi.
«Qorǵanys ministrliginiń bólimsheleri jylyna birneshe memlekettik qyzmet kórsetedi. Naqty aitqanda, Qorǵanys ministrliginiń qurylymdyq bólimsheleri osy jyly 223 080 memlekettik qyzmet kórsetti. Memlekettik qyzmetterdi kórsetýdi ońtailandyrý sheńberinde qazirgi ýaqytta birshama sharalar atqarylýda. Azamattarǵa yńǵaily bolý úshin Qorǵanys ministrligi memlekettik qyzmetterdi budan ári ońtailandyrý maqsatynda memlekettik qyzmetterdiń basym bóligin bir aktivti formatta kórsetý boiynsha jumys júrgizilýde. Árbir aktivti formaty bul azamattar ótinim bildirmese de qyzmet berýshi tarapynan qyzmet kórsetiledi», – deidi polkovnik Raýshan Amangeldiqyzy.
Sonymen qatar, polkovnik Qorǵanys ministrligi men qurylymdyq bólimsheler kórsetetin memlekettik qyzmetterdiń sapasyn qalai baǵalaitynyn da tilge tiek etip ótti.
«Ótken jyly memlekettik organyn ishki jeke jáne zańdy tulǵa tulǵalarmen ózara is qimyldy blogynyń memlekettik qyzmetterdi kórsetý sapasy baǵyty boiynsha atalǵan ministrlik qyzmetin tiimdiligin operatsiialyq baǵalaýdan qorytyndysy boiynsha toǵyzda qyryq alty baldy qurady. Bul aldyńǵy jylmen salystyrǵanda jiyrma alty balǵa joǵary. Búgingi kúnde Ádilet ministrliginiń aqparat júiesine ónerkásiptik paidalanylýǵa engizgenge deiin Qorǵanys Ministrliginiń Ortalyq muraǵaty bir qyzmeti ázirge qaǵaz túrinde kórsetedi. Tsifrlyq úkimetti qoldaý ortalyǵynyń málimeti boiynsha muraǵattyq anyqtamalar men memlekettik qyzmetin elektrondy formatqa kóshirý kelesi jyldyń ekinshi toqsanyna josparlanýda. Ol kezde júz paiyz nátijeni kórsetedi. Memlekettik qyzmetterdi kórsetýdiń sapasyn arttyrý jumystary udaiy júrgizilip otyrady», – deidi polkovnik Raýshan Beiimbet.
Aita keteiik, Qorǵanys ministrligi tsifrlandyrý salasynda 2011-2021jyldary aldyndaǵy kezeńde júrgizgen jumys belgili bir nátijelerge qol jetkizdi. Atap aitqanda memlekettik qyzmetter elektrondyq formatqa aýystyryldy. Qazaqstan Respýblikasy Qorǵanys ministrligi memlekettik qyzmetterdi kórsetý sapasyn baqylaý basqarmasynyń bólim bastyǵy, polkovnik Raýshan Beiimbet armiiada qandai memlekettik qyzmetter kórsetiletini týraly aityp bergen bolatyn. Onyń aitýynsha, qazirgi ýaqytta memlekettik qyzmetter boiynsha Qorǵanys ministrligi on jeti memlekettik qyzmet kórsetedi.
