«Otar» 40-shy áskeri bazasynda QR Qorǵanys ministri general-polkovnik Sáken Jasuzaqovtyń basshylyq etýimen Armiia halyqaralyq oiyndarynyń saltanatty jabylý rásimi ótti.
«2017 jylǵy Armiia halyqaralyq oiyndary aiaqtalýǵa jaqyn qaldy. Sózsiz, bul oiyn álemniń ártúrli elderi áskerleriniń tarihyna airyqsha úles qosty. Oiyndardyń arqasynda áskeri jáne áskeri-tehnikalyq yntymaqtastyq rettelip qana qoimai, sonymen birge, áskeri qyzmetshiler men armiialar arasynda shynaiy dostyq paida bolady. Saiysqa qatysýshylardyń barlyǵynda bolashaqta jeńiske jetý úshin myqty áleýet bar. Árbir áskeri qyzmetshi óziniń kásibi mashyǵy men áskeri sheberligin pash ete aldy. Sizderdi, iaǵni, júldeli oryndardy ielengen oiynnyń laiyqty jeńimpazdaryn quttyqtaimyn», - dep oiyndardyń jabylý rásiminde general-polkovnik Sáken Jasuzaqov qatysýshylarǵa tilegin joldady.
Armiia halyqaralyq oiyndary – bul aýqymy men óziniń mazmuny boiynsha ǵalamat is-shara. Bul oiyn halyqaralyq áskeri qoǵamdastyqta joǵary mártebege ie boldy. ArHO-2017 sheńberinde a.j. tamyzdyń 1-i men 9-y aralyǵynda Qazaqstan Respýblikasynyń aýmaǵynda «Artilleriialyq oq atý sheberleri», «Mergen shebi» jáne saiystyń jańa túri «Ushqyshsyz ushý apparattary eseptoptarynyń saiysy» atty iri jarystar ótti. «Otar» 40-shy áskeri bazasynyń qazaqstandyq poligonynda baiqaýlardy ótkizý úshin barlyq qajetti infraqurylym men logistika, atap aitqanda, artilleriiashylarǵa kedergileri bar qashyqtyǵy 2 shaqyrymdy quraityn tas joldar, mergendik vintovkadan, tapanshadan oq atý, mergenderdiń granatalardy laqtyrýy úshin barlaýshynyń soqpaq joly men shepteriniń elementteri bar baǵdar daiyndalyp, ońtailandyryldy. Al «Mátibulaq» poligonynyń aýmaǵy «UUA eseptoptarynyń saiysy» baiqaýyn ótkizý úshin arnaiy jabdyqtaldy.
Saiysqa qatysý úshin Qazaqstanǵa álemniń 18 elinen 400-ge jýyq áskeri qyzmetshi keldi. «Mergen shebi» baiqaýynyń qorytyndysy boiynsha Qazaqstan Qarýly Kúshteriniń komandasy birinshi oryndy, Resei jáne Qytai ekinshi oryndy jáne Belarýs komandasy úshinshi oryndy ielendi. Kishi serjant Nursultan Baqtyoraz baiqaýdyń úzdik mergeni atansa, kishi serjant Maqsat Shynaliev pen qazaqstandyq aǵa serjant Erǵanat Qudabekov úzdik mergen juby atandy. «
Artilleriialyq oq atý sheberleri» baiqaýynyń qorytyndysy boiynsha Qazaqstan Respýblikasy birinshi oryndy enshilese, Belarýs Respýblikasy ekinshi oryndy jáne Resei Federatsiiasy úshinshi oryndy jeńip aldy. Reseilik serjant Rýstam Chiktaev úzdik mehanik-júrgizýshi atansa, Belorýssiiadan kelgen efreitor Ivan Shvaia úzdik kózdeýshi, Ázirbaijannan kelgen kishi serjant Elshat Orýdjov úzdik eseptop komandiri atandy. Qazaqstandyq serjant Meiirhan Ábildaevtiń jetekshiligimen minaatqysh eseptoby úzdik eseptop bolyp belgilendi.
«Ushqyshsyz ushý apparattary eseptoptarynyń saiysy» baiqaýynyń qorytyndysy boiynsha Qazaqstan birinshi, Resei ekinshi jáne Iran úshinshi orynǵa jaiǵasty. Irandyq maior Djafarian Hamid UUA úzdik tehnigi, al Reseidiń aǵa leitenanty Vladimir Zainchkovskii UUA úzdik operatory atandy.
Kerneidiń áýezdi únimen júrgizýshiler komandalardy sahnaǵa shaqyryp, jeńimpazdarǵa qurmet kórsetti. Jeńimpazdar kýboktarmen, medaldarmen, diplomdar jáne baǵaly syilyqtarmen marapattaldy. Rásim sońynda oiyn qatysýshylarynyń nazaryna merekelik kontsert usynyldy.
