Armeniiadaǵy avtokólik satýshysy Qazaqstan azamatynan tólem alyp, mámile sharttaryn oryndamaǵan jáne alynǵan somany iemdengen, dep habarlaidy QazAqparat tilshisi Armeniia Respýblikasy politsiiasynyń habarlamasyna silteme jasap.
Armeniia Respýblikasy politsiiasynyń habarlaýynsha, Erevan qalasy Erebýni aýdany politsiia bólimshesiniń qylmystyq izdestirý qyzmetkerleri 28 qyrkúiekte er adamnyń Qazaqstan azamatyna 6 avtokólikti odan ári Qazaqstanǵa tasymaldaý shartymen satqany týraly, ol úshin 72 200 dollar somasynda tólem alǵany týraly jedel derekter alǵan. Er adam kelisimderdi oryndamaǵan, oysymen qoimai aqshany urlap alǵan. Jedel-izdestirý sharalarynyń arqasynda er adamnyń kim ekeni anyqtalǵan.
«26 jastaǵy jas jigit kólikterdi týysynyń atyna tirkegen. Keibir avtomobilder qazirdiń ózinde satylyp ketken, al qalǵandary Nýbarashendegi (Erevannyń ákimshilik aýdany) avtoturaqqa jasyrylǵan. Jábirlenýshi aryz bergen, osy fakti boiynsha qylmystyq is qozǵaldy. Erebýni aýdandyq politsiia bólimshesiniń qyzmetkerleri men qoǵamdyq politsiia qyzmetkerleriniń birlesken is-sharalarynyń arqasynda 7 qazanda 26 jastaǵy jigit ustalyp, Erebýni aýdandyq politsiia bólimshesine jetkizildi. Túsindirý jumystarynyń nátijesinde politsiia bólimshesine jas jigittiń týysy da keldi. Ekeýi de aldyn ala tergeý organyna tapsyryldy jáne ustaldy. Urlanǵan somany anyqtaý boiynsha sharalar qoldanylýda, tergeý júrgizilýde», - delingen Armeniia Respýblikasy politsiiasynyń habarlamasynda.
