QR Qarjy ministrligi Memlekettik kirister komiteti basqarma basshysynyń orynbasary Ainur Sartaeva Armeniiadan ákelingen sary nómirli kóliktiń salyǵy qai eldiń biýdjetine tólenetinin atady, dep habarlaidy QazAqparat agenttigi.
«Sary nómir alyp, ýaqytsha tirkeýge turǵan armeniialyq kólikterdiń ieleri Qazaqstannyń biýdjetine kólik salyǵyn tóleýge mindetti ekenin esterińizge salǵymyz keledi. Mindetti túrde kólik salyǵyn tóleisizder. Eki eldiń arasyndaǵy kelisimge bailanysty bul kólikter Armeniiada kólik salyǵynan bostaylady. Iaǵni, tek qazaqstan biýdjetine ǵana kólik salyǵyn tóleidi», - dedi Ainur Sartaeva vedomstvo uiymdastyrǵan onlain brifingide.
Sondai-aq, ol shetelden ákelingen kólikti alǵashqy tirkeý alymy nege joǵary ekenin túsindirdi.
«Alǵashqy memlekettik tirkeý alymy kólikti tirkegen kezde tólenedi. Tirkeý jasaǵan kezde ishki ister organdarynyń ókilderi osy tólemdi talap etedi. Baiqasańyzdar, alǵashqy tirkeý alymynyń quny kóliktiń shyǵarylǵan jyly eskirgen saiyn joǵary bola túsedi. Zaýyttan shyqqanyna 3 jyldan artyq ýaqyt ótken sheteldik kólik ákelseńiz, alǵashqy tikreý alymy 1,4 mln teńgeden asady. Al sý jańa kólik ákelseńiz, tirkeý alymyn tólemeisiz. Iaǵni, eski kólikterdi ákelmeý maqsatynda osylai jasalǵan bolsa kerek», - dedi Memlekettik kirister komitetiniń ókili.
