QR IIM Ákimshilik politsiia komiteti tóraǵasynyń orynbasary Serik Túsipov Armeniiadan ákelingen avtokólikterdi tirkeý sharttary men olarǵa qoiylatyn talaptar týraly halyqty habardar ete otyryp, avtoretteý rásimi óte jeńil, ári azamattardyń kóp ýaqytyn almaitynyn atap ótti.
Tirkeý jumysy avtokóliktiń menshigine, iaǵni Armeniiada berilgen tehpasportta kórsetilgen tulǵaǵajúzege asyrylady. Mundai avtomobilderdi senimhat nemese saqtandyrý polisi boiynsha basqaratyn tulǵalarǵa tirkeý júzege asyrylmaidy. Sebebi olar zańdy túrde avtomobil ieleri bolyp tabylmaidy. Sonymen qatar, basqa adamdar saqtandyrý polisteri negizinde osyndai avtomobilderdi basqarýǵa quqyly.
Úkimettiń qaýlysyna sáikes avtomobildi tirkeý quny 11 946 teńgeni quraidy, onyń ishinde tirkeý alymy – 695 teńge (0,25 AEK), tehpasport úshin baj salyǵy – 3 473 teńge (1,25 AEK), memlekettik nómir úshin – 7 778 teńge (2,8 AEK). Elge kelgen kólikter Armeniianyń ýákiletti organdarynda esepte turǵanyn eskere otyryp, Qazaqstanda tirkelgen kólikterge sary tústi nómirler beriledi. Nómirler avtomobil iesiniń naqty turatyn jeri boiynsha óńir kodymen taratylady ("01" - den "17" - ge deiin).
