Armeniia halyqtyń qaýipsizdigi qamtamasyz etilgen jaǵdaida Taýly Qarabaqty Ázerbaijannyń bir bóligi retinde tanýǵa daiyn ekenin málimdedi, - dep habarlaidy Tengrinews.kz saity "Novosti-Armeniia" halyqaralyq aqparat agenttigine silteme jasap.
Baspasóz máslihatynda sóilegen Armeniia premer-ministri Nikol Pashinian Armeniia moiyndaýǵa daiyn Ázerbaijan aýmaǵynyń 86,6 myń sharshy shaqyrymyna Taýly Qarabaq kiredi dep málimdedi.
"Eger bul máselede bir-birimizdi durys túsinetin bolsaq, onda Armeniia Ázerbaijannyń 86,6 myń sharshy shaqyrymdyq aýmaqtyq tutastyǵyn moiyndaýǵa daiyn jáne bizdiń túsinigimiz boiynsha Ázerbaijan Armeniianyń 29,8 myń sharshy shaqyrymdyq aýmaqtyq tutastyǵyn moiyndaýǵa daiyn. 86,6 myń sharshy shaqyrymǵa Taýly Qarabaq ta kiredi. Biraq, bul rette Taýly Qarabaq turǵyndarynyń quqyqtary men qaýipsizdigi máselesin Stepanakert-Baký dialogy formatynda talqylaý kerek ekenin aitamyz", - dedi ol.
Pashinian bul kelissózder úshin halyqaralyq kepildik jasaýdyń mańyzdylyǵyn atap ótti.
Sputnik Qazaqstan saitynyń jazýynsha, Armeniia premer-ministri Karabah armiandaryna qatysty etnikalyq tazartý jáne genotsid saiasatyn toqtatý úshin kepildikter jasaý kerek dep sanaidy. Kórshiles eki memlekettiń aýmaqtary qatysty toqtalǵan Pashinian Armeniiada UQShU missiiasy joq ekenin atap ótti, óitkeni uiymda Armeniianyń aýmaǵy týraly naqty kórsetilmegen.
Onyń aitýynsha, eger UQShU aýmaqtardy belgilese, onda problemalardyń 90%-y sheshiletin bolady. Sonymen qatar ol Armeniia, Resei Federatsiiasy jáne Ázirbaijan basshylarynyń Lachinsk dálizinde baqylaý ótkizý pýnktin ornatýǵa bailanysty úshjaqty málimdemesin buzǵanyn aitty.
Taýly Karabahta 2020 jyly qaqtyǵys boldy: saldarynan beibit turǵyndar zardap shekti. Karabahta kelissózder 2020 jyldyń 10 qarashasyna qaraǵan túni, Reseidiń deldaldyǵymen Ázerbaijan men Armeniia atysty toqtatý týraly úshjaqty kelisim jasasqan kezde bastaldy.
Baký Kelbadjar jáne Lachin aýdandaryn men Agdam aýdanynyń bir bóligin alǵan bolatyn. Bul aýmaq kezinde Taýly Karabah Respýblikasynyń baqylaýynda bolǵan jáne Ázerbaijan armiiasynan azat aýmaq bolǵan. Aimaqta reseilik bitimgerler ornalasqan.
