QR Qarjy ministrligi Memlekettik kirister komitetiniń saýdalyq emes ainalymdar basqarmasynyń bas sarapshysy Nurlan Namysov Reseiden Aremniia men Qyrǵyzstannan kólik tasymaldaýdyń kedendik tártibi týraly túsinikteme berdi, dep habarlaidy QazAqparat.
Onyń aitýyna qaraǵanda, Armeniia, Qyrǵyzstan avtokólikterine kelsek, olardy paidalaný EAEO sheńberine qosylý shartymen retteledi.
«Armeniia Respýblikasynyń avtokólikteri 2014 jyldyń 10 qazanyna deiingi ýaqytta ákelingen bolsa, odaqtyń taýary bolyp sanalady. Ondai kólikterdi qazaqstandyqtar kedendik baj ben salyqsyz alyp kele alady. Al Qyrǵyzstan Respýblikasyna keletin bolsaq, 2014 jylǵy 1 qańtarǵa deiingi kólik quraldary EAEO taýary bolyp sanalady. Olardy da kedendik bajdar men salyqtarsyz ákelýge bolady. Al Armeniiadan 2014 jyldyń 10 qazanynan 2020 jyldyń 1 qańtaryna deiin ákelingen kólikter sheteldik taýar bolyp sanalady. Olar boiynsha kedendik baqylaý bar. Olardy ákelgen jaǵdaida kedendik bajdar men salyqtardy tóleý kerek. Sondai-aq memlekettik tirkeýge qoiǵan kezde tirkeý alymdary men ýtil alymyn tóleý qajet bolady», - dedi Nurlan Namysov
Dál osyndai talap Qyrǵyz elinen keletin kólikterge de qoiylyp otyr.
«Qyrǵyz elinen ákelinetin kólikter boiynsha aitsaq, 2014 jyldyń 1 qańtarynan 2020 jyldyń 1 qańtaryna deiin ákelingen kólikter kedendik bajdar men salyqtar tóleý aqyly ákelinedi. Olardyń bári kedendik baqylaýda bolyp sanalady», - dedi komitettiń sarapshysy.
