Qazaqstandyq ziltemirshi Arli Chontei Ashxabadta ótip jatqan Álem chempionatynda alǵashqy marapatqa ie boldy. Otandyq sportshy kúmis júlde iegeri atandy, - dep xabarlaidy "Ult aqparat" Olympic.kz portalyna silteme jasap.
Sondai-aq, Chontei Túrkimenstan astanasynda taqtaishaǵa shyqqan alǵashqy sportshy boldy. Ol otanymyzdy 55 kelige deiingi salmaq dárejesinde tanystyrdy.
«Julqa kóterýde» ziltemirshi kishi kúmis júldege ie boldy. Bul kezeńde ol 120 kelini baǵyndyrsa, serpe kóterýde 138 kelini kóterdi.
Eki kezeń qorytyndysy boiynsha qazaqstandyq 258 keli ziltemirdi igerip, ekinshi oryndy ielendi.
Chonteidiń medali - osy álem chempionatynda Qazaqstan qorjynyna túsken alǵashqy júlde. Bul saiysta 2012 jylǵy Olimpiada chempiony, koreialyq Om Iýn Chxol jeńiske jetti. Jalpy esepte ol 282 kelini kóterdi.
