Dúniejúzilik meteorologiialyq uiym (DMU) Arktikadaǵy jańa temperatýra rekordyn resmi túrde moiyndady – tselsii boiynsha 38 gradýs. Halyqaralyq uiym sarapshylary ótken jazdyń kóp bóliginde Sibirdiń arktikalyq aimaǵynda ortasha temperatýra normadan 10 gradýsqa joǵary bolǵanyn atap ótti. Bul týraly QazAqparat BUU jańalyqtaryna silteme jasap habarlaidy.
«Búgin tańerteń Dúniejúzilik meteorologiialyq uiymy Reseidiń Verhoiansk qalasynda arktikalyq temperatýra rekordy - Tselsii boiynsha 38 gradýs nemese Farengeit shkalasy boiynsha 100,4 bolǵanyn moiyndady. Ol ótken jyldyń 20 maýsymynda tirkelgen», - dedi Dúniejúzilik meteorologiialyq uiymnyń baspasóz hatshysy Kler Nýllis.
«Bul rekord búkil Sibirdegi jylynýdyń aiqyn dáleli», - dedi áigili britandyq klimatolog jáne DMU komitetiniń múshesi Fil Djons.
Verhoiansk poliar sheńberinen soltústikke qarai 115 shaqyrymdai jerde ornalasqan. Arktikaǵa qaraǵanda Jerorta teńizine tán jańa temperatýra rekordy Sibirdiń uzaqqa sozylǵan ystyq tolqyny kezinde meteorologiialyq baqylaý stantsiiasynda ólshendi. Saha (Iakýtiia) respýblikasynyń soltústik bóliginde ornalasqan Verhoiansk qalasyndaǵy meteostantsiiada temperatýrany baqylaý 1885 jyldan beri júrgizilip keledi.
Atalǵan uiym sarapshylary Sibirdiń arktikalyq aimaǵyndaǵy jazdyń joǵary temperatýrasy órtterdiń kúsheiýi men teńiz muzynyń jappai erýine ákelgenin atap ótti. Arktikadaǵy jylyný 2020 jyldy tarihtaǵy eń jyly úsh jyldyń birine ainaldyrdy.
