Óńirlik kommýnikatsiia qyzmetinde ótken baspasóz jiynynda Arqalyq qalasynyń ákimi Qairat Ábishev «Agrointerqus» fabrikasyndaǵy qustardyń ólimine qatysty saýalǵa jaýap berdi, dep habarlaidy "Ult aqparat".
«Qazirgi málimet boiynsha 360 myńnan astam qus qyrylyp qaldy. Ólgen qustyń barlyǵy joiylyp, tiisti akt qujaty toltyryldy. Arqalyq qus zaýytyna respýblikalyq biýdjetten ótemaqy tólenedi. Qustardyń qyrylǵanymen kásiporyn jumysyn toqtatpaidy. Bul fabrikanyń Arqalyq turǵyndary úshin mańyzy zor. Óitkeni 250 adamdy jumyspen qamtyp otyr. Taiaý kúnderi tazalaý, dezinfektsiia jumysy júrgiziledi. Aldaǵy aidyń sońynda jańadan qustar ákelinedi. Kásiporynmen birlese otyryp, 3-4 aidyń ishinde qus sanyn qaita qalpyna keltiremiz. Jumysshylar qysqarmaidy», - dedi Qairat Ábishev.
Veterinar mamandar qus tumaýy indetiniń Qostanai oblysynda buǵan deiin tirkelmegenin aitady. Búginde óńirdiń 59 aýylynda 130-ǵa jýyq veterinar maman vaktsina egý jumystarymen ainalysyp jatyr.
Sonymen qatar respýblikalyq epizotiialyq jasaq indet oshaqtaryna ainalǵan mekenderdi dezinfektsiialap, qus ólikterin órtep, qusynan aiyrylǵan otbasylardyń tizimin jasaidy. Bul tizim oblysta qurylǵan arnaiy komissiianyń qaraýynan ótedi. Taýyǵy qyrylǵan jeke sektorlardaǵy 2 384 úige respýblikalyq biýdjetten ótemaqy tólenetin bolady.
