Arqalyq qalasyndaǵy qus fabrikasynda 296 446 qus qyrylyp qaldy, dep habarlaidy "Ult aqparat".
Oblystyq veterinariia basqarmasynyń málimetin súiensek, bir aptanyń ishinde oblysta 299 730 qus ólgen. Qazir mamandar ár eldi mekende tiisti jumys sharalaryn qabyldap jatyr.
«Búgingi málimet boiynsha oblysta jeke sektorlarda ólgen qustardyń sany 3 284-ke jetti. Al Arqalyq qalasyndaǵy «Agrointerqus» qus fabrikasynda 296 446 qus qyryldy. Jalpy, Qostanai oblysynda 5 mln 52 myń qus bar. Aýyl sharýashylyǵy kásiporyndary 2 millionnyń ústinde qus baǵyp otyr. Jeke sharýa qojalyqtarynda 32 myń, al jeke sektorda 2 mln 900 myńnyń ústinde qus ósiredi», – deidi oblystyq veterinariia basqarmasy basshysynyń orynbasary Baýyrjan Beket.
Qazir oblys aýmaǵynda bekitilgen erejege sáikes, indettiń taralý qaýpi bar býferlik zona anyqtalyp, indet oshaǵynyń ainalasynda 20-25 shaqyrym qashyqtyqta ornalasqan eldi mekenderdiń qustaryna mindetti túrde vaktsina egý jumystary bastaldy.
