Argentina genetikalyq túrlendirilgen bidaidy maquldaǵan álemdegi alǵashqy el boldy, dep habarlaidy France24.
Beisenbi kúni jariialanǵan Aýyl sharýashylyǵy ministrliginiiń málimdemesinde Bioceres biotehnologiialyq kompaniiasy, CONICET Ǵylym jáne tehnologiialar jónindegi ulttyq komissiiasy jáne Ulttyq ýniversitet ázirlegen HB4 jańa qurǵaqshylyqqa tózimdi bidai sortynyń qabyldanǵany týraly habarlandy.
Osylaisha Argentina genetikalyq túrlendirilgen bidaidy ósirýdi jáne tutynýdy maquldaǵan álemdegi alǵashqy memleket boldy.
Argentinalyq bidaidyń basym bóligi shamamen 45%-ǵa jýyǵy Braziliiaǵa eksporttalady. Sondyqtan qazir Argentina kórshiles elde de genetikalyq túrlendirilgen bidaidyń maquldaýyna múddeli, delingen komissiianyń málimdemesinde.
«Argentinanyń HB4 bizdiń bidaiymyzdy maquldaýy ónimniń aitarlyqtai ósýi men bizdiń tehnologiia usynatyn ekologiialyq artyqshylyqtardy eskere otyryp, osy mańyzdy daqyldyń óndirisi men satylymynyń búkil jahandyq júiesi úshin jańa múmkindikter ashady», - dep habarlady Bioceres bas direktory Federiko Trýkko.
Bidaidyń HB4 surypyn qurǵaqshylyq jaǵdaiynda synap kórgen on jyl ishinde ónimdilik orta eseppen 20 paiyzǵa ósti.
