Memleket basshysynyń ókimimen Ardaq Áshimbekuly Qazaqstan Respýblikasy Memlekettik kúzet qyzmeti bastyǵynyń orynbasary – Airyqsha maqsattaǵy kúshterdiń qolbasshysy bolyp taǵaiyndaldy.
Bul týraly "Ult aqparat" Aqordaǵa silteme jasap habarlaidy.
Ardaq Áshimbekuly 1977 jyly 1 mamyrda dúniege keldi.
1995 jyly Qazaqstan Respýblikasy Ulttyq qaýipsizdik komiteti Shekara áskerleriniń Áskeri institýtyna túsip, 1999 jyly «bólimshelerdiń qyzmettik-jaýyngerlik is-áreketterin basqarý» mamandyǵy boiynsha bitirgen. Sondai-aq 2014 jyly Qazaq gýmanitarlyq zań ýniversitetin «quqyqtaný» mamandyǵy boiynsha támamdaǵan.
1999-2001 jyldary QR Respýblikalyq ulanynyń qatarynda ofitserlik laýazymdarda bolǵan. 2001-2006 jyldary Qazaqstan Respýblikasy Prezidenti Kúzet qyzmetinde túrli ofitserlik basshylyq laýazymdarda qyzmet atqarǵan.
2006 jyldan Qyzmettiń ártúrli qurylymdyq bólimshelerin basqarǵan.
2013 jyldan QR Prezidenti Kúzet qyzmeti Bastyǵynyń birinshi orynbasary - Prezidentiniń qaýipsizdik qyzmetiniń bastyǵy boldy.
2014 jyldan Qazaqstan Respýblikasy Memlekettik kúzet qyzmeti bastyǵynyń orynbasary - Qazaqstan Respýblikasynyń Tuńǵysh Prezidenti - Elbasynyń qaýipsizdik qyzmetiniń bastyǵy bolyp taǵaiyndaldy.
2019 jyldyń maýsymynan osy taǵaiyndaýǵa deiin. Qazaqstan Respýblikasy Memlekettik kúzet qyzmetiniń basshysynyń birinshi orynbasary – Qazaqstan Respýblikasy Tuńǵysh Prezidenti – Elbasy Kúzet qyzmetiniń basshysy boldy.
II dárejeli «Aibyn» ordenimen, «QR UQK Áskeri institýtyna 75 jyl» arnaýly mereitoi tósbelgisimen, QR Prezidentiniń atynan jáne Qyzmet basshylyǵynan alǵystarmen, 8 medalmen, Qazaqstan Respýblikasy Prezidenti Kúzet qyzmetiniń Qurmet gramotasymen marapattalǵan.
