Aral teńizine ushaq jáne tikushaq arqyly saiahat uiymdastyrý josparlanýda. Osy maqsatta Moinaqta tikushaq qonatyn jańa alań salyndy, dep habarlaidy Ózbekstannyń ÓzA ulttyq aqparat agenttigi.
Moinaq aýdany ákimdigi baspasóz qyzmetiniń habarlaýynsha, tikushaqpen Aral teńiziniń akvatoriiasyna, Qyzyljar aýylynyń aýmaǵyndaǵy jylyjailarǵa, Qazaqdariia aýylyndaǵy sharýashylyq keshenderine saiahattaýǵa múmkindik bar.
Qazirgi ýaqytta bul aýdandarda tikushaqqa arnalǵan ushý jáne qoný jolaǵy ashylǵan.
Aral teńizine saiahat uiymdastyrýmen ainalysatyn kásipkerlerdiń aitýynsha, Aral teńizi men Ústirtke ushaq nemese tikushaq arqyly saiahattaý úshin Moinaq aýdanynan ushqan jón.
Bul týristerdiń ýaqytyn únemdeidi ári qosymsha shyǵyn bolmaidy.
Eske sala keteiik, 300 mlrd sýmǵa jańadan salynǵan «Moinaq» áýejaiy jaqynda ashylǵan bolatyn. Oǵan alǵash AIRBUS A-320 áýe kemesi qonǵan edi.
