Aqtóbede er adam jaiaý júrginshiler ótkelinde ózin kólik qaǵyp ketkendei kórsetip, júrgizýshilerden aqsha alǵan, dep habarlaidy ult.kz.
Polisia.kz málimetinshe, oqiǵa Jienbaev jáne Tashkent kósheleriniń qiylysyndaǵy jaiaý júrginshiler ótkelinde bolǵan. Er adam kólik qaǵyp ketkendei keiip tanytyp, keiin júrgizýshilerge jol-kólik oqiǵasy saldarynan jaraqat alǵanyn aitqan. Osylaisha olardan aqsha talap etken.
Tekserý barysynda onyń mundai áreketti eki ret jasaǵany anyqtaldy. Er adamnyń sózine sengen júrgizýshiler mobildi qosymsha arqyly oǵan aqsha aýdarǵan. Biri – 250 myń, ekinshisi 200 myń teńge bergen. Osylaisha keltirilgen shyǵynnyń jalpy kólemi 450 myń teńgeni qurady.
Júrgizýshilerdiń biri keiin bolǵan jaǵdaiǵa kúmán keltirip, politsiiaǵa júgingen. Tekserý kezinde aqparat rastalyp, er adamnyń jeke basy anyqtaldy. Ol kúdikti retinde tanyldy.
Qazir is boiynsha oqiǵanyń barlyq mán-jaiyn anyqtaýǵa baǵyttalǵan tergeý áreketteri júrgizilip jatyr.
Politsiia júrgizýshilerdi saq bolýǵa shaqyrady. Eger jol-kólik oqiǵasynan keiin jaiaý júrginshi jaraqat alǵanyn aityp, aqsha talap etse, máseleni óz betinshe sheshpei, politsiia shaqyryp, oqiǵany resmi túrde tirkeý qajet.
