اقتٶبەدە ەر ادام جاياۋ جٷرگٸنشٸلەر ٶتكەلٸندە ٶزٸن كٶلٸك قاعىپ كەتكەندەي كٶرسەتٸپ, جٷرگٸزۋشٸلەردەن اقشا العان, دەپ حابارلايدى ult.kz.
Polisia.kz مەلٸمەتٸنشە, وقيعا جيەنباەۆ جەنە تاشكەنت كٶشەلەرٸنٸڭ قيىلىسىنداعى جاياۋ جٷرگٸنشٸلەر ٶتكەلٸندە بولعان. ەر ادام كٶلٸك قاعىپ كەتكەندەي كەيٸپ تانىتىپ, كەيٸن جٷرگٸزۋشٸلەرگە جول-كٶلٸك وقيعاسى سالدارىنان جاراقات العانىن ايتقان. وسىلايشا ولاردان اقشا تالاپ ەتكەن.
تەكسەرۋ بارىسىندا ونىڭ مۇنداي ەرەكەتتٸ ەكٸ رەت جاساعانى انىقتالدى. ەر ادامنىڭ سٶزٸنە سەنگەن جٷرگٸزۋشٸلەر موبيلدٸ قوسىمشا ارقىلى وعان اقشا اۋدارعان. بٸرٸ – 250 مىڭ, ەكٸنشٸسٸ 200 مىڭ تەڭگە بەرگەن. وسىلايشا كەلتٸرٸلگەن شىعىننىڭ جالپى كٶلەمٸ 450 مىڭ تەڭگەنٸ قۇرادى.
جٷرگٸزۋشٸلەردٸڭ بٸرٸ كەيٸن بولعان جاعدايعا كٷمەن كەلتٸرٸپ, پوليتسيياعا جٷگٸنگەن. تەكسەرۋ كەزٸندە اقپارات راستالىپ, ەر ادامنىڭ جەكە باسى انىقتالدى. ول كٷدٸكتٸ رەتٸندە تانىلدى.
قازٸر ٸس بويىنشا وقيعانىڭ بارلىق مەن-جايىن انىقتاۋعا باعىتتالعان تەرگەۋ ەرەكەتتەرٸ جٷرگٸزٸلٸپ جاتىر.
پوليتسييا جٷرگٸزۋشٸلەردٸ ساق بولۋعا شاقىرادى. ەگەر جول-كٶلٸك وقيعاسىنان كەيٸن جاياۋ جٷرگٸنشٸ جاراقات العانىن ايتىپ, اقشا تالاپ ەتسە, مەسەلەنٸ ٶز بەتٸنشە شەشپەي, پوليتسييا شاقىرىپ, وقيعانى رەسمي تٷردە تٸركەۋ قاجەت.
