Aqtóbe oblysynda qaiǵyly oqiǵa bolyp, atasy men nemeresi sýǵa ketip qaza tapty, dep habarlaidy ult.kz.
Oqiǵa Bestamaq aýylyndaǵy Elek ózeninde bolǵan. Kýágerler sýdan 61 jastaǵy er adamnyń jáne 17 jastaǵy jasóspirimniń máiitin alyp shyqqan
Politsiianyń málimetinshe, bozbala ózenniń taiaz tusymen ótpek bolǵan kezde sý astyndaǵy tereń shuńqyrǵa túsip ketken. Atalǵan aýmaqta «Shomylýǵa tyiym salynady» degen eskertý belgisi ornatylǵan.
Nemeresiniń sýǵa batyp bara jatqanyn kórgen 61 jastaǵy atasy ony qutqarý úshin birden sýǵa sekirgen. Alaida ekeýi de aǵys pen tereńdikten shyǵa almai, qaiǵyly jaǵdaida kóz jumǵan.
Qazir oqiǵanyń barlyq mán-jaiyn quqyq qorǵaý organdary anyqtap jatyr.
Qutqarýshylar turǵyndardy arnaiy belgi qoiylǵan, shomylýǵa tyiym salynǵan jerlerge túspeýge jáne balalardy sý aidyndarynyń mańynda qaraýsyz qaldyrmaýǵa shaqyrady.
