Ár apta saiyn álemde indet juqtyrýdyń shamamen 2 mln oqiǵasy tirkelýde. Bul týraly Dúniejúzilik densaýlyq saqtaý uiymynyń Bas direktory Tedro Gebreiesýs brifingte aitty, dep habarlaidy BUU jańalyqtary saity.
DDU men búkil halyqaralyq qaýymdastyqtyń infektsiianyń taralýy men adamdardy ómirin qutqarýǵa baǵyttalǵan kúshi týraly sóz etken Tedros qazirgi kezde elderdiń shamamen birneshe túrli stsenariige tap bolǵanyn málimdedi: keibir elder virýspen kúres jolyna tez túsip, órshýinen aman qaldy; kei elderde aýrý keńinen tarap, olar jaǵdaidy baqylaýǵa ala almady, virýspen áli kúres júrgizýde; virýsty baqylaýǵa alǵan, alaida shekteýlerdi álsiretýge bailanysty indet juqtyrý oqiǵalarynyń sany qaitadan ósken elder bar; keibir elder áli de infektsiia taralýynań qarqyndy fazasynda.
DDU basshysy álemniń barlyq aimaqtarynda jaǵdaidy ózgertý eshqashan kesh emes ekenin qosyp ótti. Ol úshin tiimdi basshylyqty júzege asyryp, naqty ári jan-jaqty qamtylǵan strategiialardy ustaný, turǵyndarmen únemi bailanysta bolý qajet. Onyń aitýynsha, árbir aimaqta elder virýstyń taralýyn basýdyń ujymdyq josparyn jasap, ekonomikalyq qyzmetin qalpyna keltire alǵan.
Osy dúisenbide DDU antigen negizindegi birinshi ekspress testi tirkep, ony tótenshe jaǵdai kezinde paidalaný tizimine qosýdy keńes etti. Osyndai testilerdiń 120 million danasyn tabysy tómen jáne ortasha elderge paidalaný úshin jetkizip berýdi qamtamasyz etý sheshimi qabyldandy.
Tedrostiń málimdeýinshe, búgin DDU shuǵyl jaǵdaida qoldanylatyn testiler tizimine engiziletin ekinshi antigendi ekspress-testin maquldady.
«Bul testilerdi paidalaný ońai. Olardyń baǵasy tómenirek, jáne olar birneshe saǵat nemese kúnnen soń emes, shamamen 15-30 minýtta senimdi qorytyndy shyǵarady», - dep tolyqtyrdy ol.
