Bir apta ishinde elimizdiń aýmaǵynda 3 125 qylmys jasaldy. Bul týraly QR Ishki ister ministrliginiń resmi ókili Nurdildá Oraz málim etti, dep habarlaidy QazAqparat.
«Bir apta ishinde 3 125 qylmys jasaldy. Onyń 2 102-si táýlik ishinde ashyldy», - dedi Nurdildá Oraz ministrliktiń baspasóz alańynda ótken dástúrli brifing barysynda.
Resmi ókildiń dereginshe, politsiia qyzmetkerleri «izin sýytpai» 6 kisi óltirýdi, 1 ólimge ákep soqqan densaýlyqqa qasaqana aýyr ziian keltirýdi, 31 tonaý jáne 453 bóten múlikti urlaý qylmystaryn ashqan.
Sonymen qatar ol Qazaqstannyń ishki ister ministri Erlan Turǵymbaev Eýropadaǵy yntymaqtastyq jáne qaýipsizdik uiymy Demokratiialyq institýttar jáne adam quqyqtary jónindegi biýronyń direktory Matteo Mekachchimen kezdeskenin, kezdesý Matteo Mekachchidiń Nur-sultan qalasyna arnaiy sapary aiasynda ótkenin atap ótti.
«Kezdesý barysynda ministr Memleket basshysynyń adam quqyqtaryn qamtamasyz etý, quqyqqorǵaý qyzmetin jetildirý máselelerine erekshe nazar aýdaratynyn atap ótip, osy saladaǵy halyqaralyq standarttardy saqtaý, jazanyń oryndalýyn izgilendirý jáne azamattyq baqylaýdy kúsheitý jónindegi jumystar týraly aitty», - dedi ol.
