Foto: Pexels
Sot Mudarabah Capital qarjy piramidasy isi boiynsha apelliatsiialyq shaǵymǵa qatysty úkim shyǵardy. Sottalǵandar arasynda vainerler Meiirjan Tórebaev pen Meiirhan Sherniiazov bar, dep habarlaidy Kazinform agenttigi.
Almaty qalalyq sotynyń qylmystyq ister jónindegi sot alqasy Mudarabah Capital qarjy piramidasynyń jetekshileri men qatysýshylaryna qatysty qylmystyq isti apelliatsiialyq tártipte qarady.
«Sýdialar alqasy taraptardyń ótinishteri men dálelderin zerdelei kele, úkimdi ózgertý nemese joiý úshin negizderdi anyqtaǵan joq. Osyǵan bailanysty sot alqasynyń qaýlysymen birinshi satydaǵy sottyń úkimi ózgerissiz qaldyrylyp, apelliatsiialyq shaǵymdar qanaǵattandyrylǵan joq», - dep habarlady qalalyq sottan.
Úkim zańdy kúshine endi.
Eske salaiyq, byltyr maýsym aiynda Almatyda Mudarabah Capital qarjy piramidasyn qurý isi boiynsha sot úkimi shyqqan bolatyn. Atalǵan qylmysqqa qatysy bar Meiirjan Tórebaev pen Meiirhan Sherniiazovtan basqa sottalýshylardyń barlyǵy Qylmystyq kodekstiń eki baby boiynsha kináli dep tanyldy.
Sot qaýlysymen Meiirjan Tórebaev pen Meiirhan Sherniiazov bes jylǵa bas bostandyǵynan aiyryldy.
