Almatyda ótken brifing barysynda QR Premer ministriniń orynbasary Roman Skliar apatqa ushyraǵan ushaqtyń tehnikalyq sipatyn aityp berdi, dep habarlaidy "Ult aqparat".
«Ushaq 1996 jyly shyqqan. Ushý jaramdylyǵy týraly sertifikaty men kýáligi biyl mamyr aiynda uzartylǵan. Bul áýe kemesi qazaqstandyq reestrde 2016 jyly 26 tamyzda tirkelgen. Barlyǵy Bek Air kompaniiasynda 10 áýe kemesi bar. Olardyń 9-ynda ushý jaramdylyǵy sertifikaty bar. QR Aviatsiia komiteti Bek Air kompaniiasynyń jumysyn ýaqytsha toqtatty», - dedi Roman Skliar.
Aita keteiik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy. Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia ushyp shyqty. Osy apatqa qatysty shuǵyl jeli iske qosylǵan.
QR Prezidenti Qasym-Jomart Toqaev ushaq apatyna kináliler zańǵa sáikes qatań jazalanatynyn málimdedi. Elbasy Nur-Sultan Nazarbaev jolaýshylar ushaǵynyń apatqa ushyraýyna bailanysty kóńil aitty.
