AQSh Ýkrainaǵa reseilik jikshilder qoldaǵan birqatar aimaqtarǵa belgili bir deńgeide "avtonomiia" berýdi suraidy. Bul týraly Associated Press AQSh ákimshiliginiń ókiline silteme jasap habarlady.
Materialda aitylǵandai, Vashingtonnyń aldynda kúrdeli másele tur – bir jaǵynan Ýkrainany Donbasta sál sheginýge barýǵa kóndirý kerek bolsa, ekinshi jaǵynan bul Resei lideri Vladimir Pýtinniń jeńisi retinde eseptelip qalmaýy kerek.
AQSh-tyń Kievtegi burynǵy elshisi Stiven Paiferdiń aitýynsha, Donbasta densaýlyq saqtaý, bilim berý jáne quqyq qorǵaý organdary salasyna ózin-ózi basqarý usynylýy múmkin.
AP agenttigi derekkózine silteme jasap, Ýkraina Donbass aimaǵynyń til jáne mádeni ózgeshelikterin esepke alýǵa daiyn. Biraq olardyń jalpy ulttyq sheshimderdi qabyl alýda veto qoiý quqyǵyna ie bolýyna qarsy.
Ýkraina quramynda Donetsk pen Lýgansk oblystarynan birqatar aimaqtaryna erekshe mártebe berý 2015 jyly qurylǵan Minsk kelisiminde qaralǵan. Biraq ol áli atqarylmai keledi. AQSh bul kelisimge qatysqan emes, biraq ony qoldaitynyn bildirip keledi.
