Foto ashyq derekkózden alyndy
Májilis spikeri Erlan Qoshanov ánuran avtorlyǵynan eks-prezident Nursultan Nazarbaevtyń esimi alynyp tastala ma degen suraqqa jaýap berdi, dep habarlaidy Sputnik Qazaqstan.
"Dál qazir bul másele kún tártibinde turǵan joq", - dep qysqa qaiyrdy Qoshanov Májilis kýlýarynda.
Jýrnalistiń "Nazarbaev ánuran avtory bolýǵa laiyq pa?" degen suraǵyna:
"Endi kezinde sondai sheshim qabyldandy ǵoi", - dep jaýap berdi Májilis spikeri.
Aqorda saitynda habarlanǵandai, eldiń dybystyq rámiziniń tanymaldyǵyn arttyrý maqsatynda 2006 jyly jańa memlekettik gimn qabyldandy. Onyń negizi retinde halyqtyń arasynda keńinen tanymal "Meniń Qazaqstanym" patriottyq áni tańdaldy.
Ándi Shámshi Qaldaiaqov 1956 jyly Jumeken Nájimedenovtiń sózine jazǵan bolatyn.
Qazaqstannyń tuńǵysh prezidenti Nursultan Nazarbaev ánge memlekettik gimn joǵary mártebesin berý jáne anaǵurlym saltanatty shyrqalýy úshin mýzykalyq týyndynyń bastapqy mátinin óńdedi.
