Foto: instagram.com/aliya_nazarbayeva_official
Sybailas jemqorlyqqa qarsy is-qimyl agenttiginiń ókili Arman Tileýkenovke Áliia Nazarbaevanyń "ÓKM operatoryna" bailanysy týraly suraq qoiyldy, - dep habarlaidy Tengrinews.kz saity.
"Qazir Áliia Nazarbaevanyń jaǵdaiy qalai? Ol 2016 jyly "ÓKM Operatorynyń" alǵashqy quryltaishysy boldy. Sonymen qatar, iske qatysy bar tulǵalar men kýágerler ÓKM kompaniiasyn kórinbei ketkenge deiin Áliia Nazarbaeva bógde tulǵa arqyly basqarǵanyn aitty. Nege burynǵy prezidenttiń qyzy bul iske tartylmady, tipti búginge deiin jaýap alynbady", - dep surady jýrnalister Astanada ótken Antikor brifinginde.
"Másele mynada, sot bul iske núkte qoidy. Sybailas jemqorlyqqa qarsy qyzmettiń tergeý barysynda usynǵan barlyq dáleli tolyq rastaldy. Bul adamǵa keletin bolsaq, men jeke turǵylyqty jeri týraly bilmeimin. Sot protsesi barysynda aitylǵan sózderge keletin bolsaq, tergeý júrgizý kezinde tegi men osy zańdy tulǵaǵa qatysy atalmady", - dep jaýap berdi Arman Tileýkenov.
