Sybailas jemqorlyqqa qarsy qyzmet Atyraý oblysy ákiminiń orynbasary Baqytgúl Hamenova men Mádeniet, arhivter jáne qujattama basqarmasynyń basshysyna qatysty tergeý bastaǵanyn málimdedi, - dep habarlaidy Tengrinews.kz agenttigi.
"Olar Atyraý qalasynda 145 million teńge somasyna Abai eskertkishin jasaý jáne ornatý boiynsha memlekettik satyp alý shartyn jasaǵany úshin JShS basshysynan aldyn ala sóz bailasý arqyly 4,5 million teńge para aldy degen kúdikke ilindi.
Kúdikti ustalyp, Atyraý PB ýaqytsha ustaý izoliatoryna qamaldy. Ózge aqparat tergeý múddesinde jariia etilmeidi", - dedi vedmstvo ókilderi.
Buǵan deiin "Aq Jaiyq" basylymy Atyraý oblysy ákiminiń orynbasary Baqytgúl Hamenovanyń ustalýyna qatysty istiń mán-jaiyn anyqtaǵan bolatyn.
10 jeltoqsanda sheneýnik jaýap alynǵannan keiin ýaqytsha ustaý izoliatoryna qamalǵan. Onyń para aldy degen kúdikke ilingeni habarlandy.
