Antaliia provintsiiasynyń kýrortty qalasy Manavgat aýdanynda reseilik týristerdi tasyǵan avtobýspen bolǵan jol-kólik oqiǵasy oryn aldy, dep habarlaidy "Ult aqparat" TASS agenttigine silteme jasap.
RF Densaýlyq saqtaý ministrliginiń málimetinshe, 4 reseilik kóz jumǵan, beseýiniń jaǵdaiy aýyr, taǵy ekeýi reanimatsiiada jatyr.
Bul rette «Intýrist» kompaniiasy tórt Resei azamaty kóz jumǵanyn, 16 adamnyń aýrýhanada jatqanyn habarlady.
Onyń málimeti boiynsha, olardyń bári - Samara oblysynan, basqa aimaqtardan týrister bolmaǵan.
Avtobýs Konakly kentinen áýejaiǵa 22 reseilik týristen turatyn topty tasyǵan, onyń arasynda toǵyz bala bolǵan.
Aldyn ala málimet boiynsha, avtobýs júrgizýshisi róldi basqara almai qalǵan: kólik bólý syzyǵyn kesip ótip, qarsy jolaqqa sekirip, aýdarylyp ketken.
QR SIM baspasóz qyzmetiniń habarlaýynsha, zardap shekkender arasynda Qazaqstan azamattary joq.
