Kezinde qazaq sahnasynda "Juldyzym" ánimen juldyzy janǵan "Nurlan men Murat" dýetiniń ánshisi Nurlan Ámirovtiń qazirgi jaǵdaiy týraly video tarady, dep habarlaidy ult.kz.
TikTok áleýmettik jelisinde taraǵan videoda Nurlan Ámirovtiń qazir densaýlyǵy syn kótermeitini aitylady.
"Nurlan aǵamyzdyń aiaǵy arnaiy tok apparattarymen ǵana júredi", - degen video avtory ánshiniń úiindegi kórinisti jariialady.
Videoda Nurlan Ámirov birneshe qurylǵydan turatyn apparatty denesine taǵý arqyly ǵana qozǵalys jasai alatyny aitylady.
"Mine, denemde operatsiia jasalǵan tyrtyq ta bar. Mynaý apparat bolmasa, svet óship qalsa, júre almaimyn", - degen ánshi ózin kútip-baptap otyrǵan áieline de alǵys aitty.
Ánshiniń myna jaǵdaiyn kórgen jurt "ońai emes", "tez saýyǵyp ketsin" dep pikir jazýda.
